Asma...'s Notizen, 09 Jun 24

ربنا يقويكي ..انا نفس المشكله بس تغلبت عليها ان بفطر كويس الصبح وخاصتا بعد التمرين وخلال اليوم خدي سناك كده فاكهه شيكولاته ايس كريم اي حاجه نفسك فيها سعراتها تكون كويسة هتلاقي نفسك مش جعانه ولا عندك هبوط ..انا بعمل كده وبعمل مجهود بدني وذهني وضغط شغل بس الحمد لله كويس ونظمي نومك بالنسبة للواي بروتين مش هقدر اقولك حاجه لاني مش بستخدمه خالص ...ممكن اخد ڤيتمن بس .. المتأكد منه فطار كويس هيسد الجوع ومش هتحتاجي غير سناك خلال اليوم 😂وهل لي أن أسألك طبيعة شغلك ايه ؟ 

بصي يا فندم الواي بروتين مش هيديكي الطاقه اللي حضرتك فاكراها هو استعماله المعروف للعضلات فلو حضرتك بتتمرني ممكن اما غير كده فهو مش بيعمل حاجه انا عن نفسي عندي ١٥ سنه و لما ابتديت اخدو سمعت عنو حاجات كتير لكن لما جربتو لقيتو عادي ولله و بالنسبة ل حضرتك ممكن يتعوض باي نوع بروتين اذا كان نباتي او حيواني و لو على الارهاق و التعب ممكن تاخدي فيتامينات او اي نوع من انواع الكارب المعقد زي الشوفان والرز البني او البسمتي او المكرونه مع العلم انها اسؤهم  

خلي معاكي تمر كسناكس و هيديكي طاقة كويسة 

الله يعينك ويقويكي 💪💪 الواي بروتين في يوم اجازتك دخليه بوصفات صحيه محسوبه السعرات موجود كذا حاجه باليوتيوب بارات ؛ كيكات؛ خبز بيدخل معاها عناصر مغذيه تصلح جدا معاكي في الشغل ومتخافيش طالما ضمن سعرات يومك بالتوفيق  

Bahya انا مانعه اي سكريات حتى التمر لان لو اكلت اي حاجه فيها سكر بجوع جدا وببوظ اليوم😭 

Boyka انا صعب جدا اكل بره البيت من يوم ما التزمت لان اي اكل هيكون fast food سعراته عاليه جدا 

Mohamed شوكولاته وايس كريم انت متفائل جدا 😂 انا اللي وصلني ل 123كيلو هي الشوكولاته والايس كريم والحمدلله لما منعتهم ومنعت نشويات رجعت انسانه طبيعيه😂 انا لازم قبل منزل شغلي اشرب قهوتي وطبعا ساده وافطر ببيضه مسلوقه بس تقريبا دا مش كفايه ومش هقدر ازود عن كدا شغلي sales يعني تقريبا طول اليوم في الشمس ومناهده ومبقاش فيا طاقه😂 

Om habiba حبيبتي انا مانعه نشويات ومش باخد اي كيكات ولا مخبوزات بحاول اخد الحاجات الصحيه والمفيده بس والحمدلله في نتيجه ممتازه ربنا يقوينا كلنا❤ 

ما هي وصفات بدون نشويات اكيد مش هوصيكي تاخدي سكر ونشويات ياقمر🫣😅 في وصفات بيستخدمو البودر بتاع الواي بروتين بديل للدقيق ومحسوبه بالسعرات  

طيب ممكن بسكويت شوفان هيسد معاكي خلال اليوم .. أنا بعمل كدا لو معاد فطاري جيه وكنت برة البيت مع واحد قهوة معلقة سكر وأكمل لحد م اروح البيت .. ودا تقدري تاكليه وانتى ماشية ف الشارع عادي  

وبعدين الرايب فى خمائر مهضمة .. يعني بتحرقي ومفيش حاجة تسندك ولو بسيطة .. ليه هو الدايت عذاب  

حاولى توازني يا اسما زودي الفطار شوية بدل بيضة خليها ٢ .. وممكن مع القهوة موزة أو مكعب شيكولاته دارك .. كدا يعني  

وقبل كل دا طبيعة ضغطك ايه  

😂😂😂🤌🤌🤌 كلي حاجه تانيه يا اسماء عندك شوفان بطاطس ممكن جبنه قريش فالشغل او زبادي فكري يعني كده البيضه واحده لا تكفي sales فعلا شغل مرهق بس انتي في ملعبي بردو جزء من شغلي يخص ال sales وتعاقدات المشاريع بس عندنا حاجات زيادة زي شغل التكنيكال والهندسة