Registrieren
|
Anmelden
Österreich
Suche:
Lebensmittel
Rezepte
Fitness
Mitglieder
Mein FatSecret
Lebensmittel
Rezepte
Fitness
Community
Community
Mitglieder
Soosss
Notizen
Soosss's Notizen
Soosss's Profil
|
Gewichtsverlauf
1 bis 5 von 121
Seite:
1
2
3
4
5
...
Weiter
14 Juli 2021
يا جماعة أي حد من شبرا مصر أو مكان قريب محتاج أي مساعدة "نصايح نظام يمشي علية أو حتي حد يشجعة علي الرياضة أنا بعون الله موجود
بالتوفيق للجميع
Kommentar hinzufügen
28 Juni 2021
لسة في حد هنا فاكرني .. عمتا الأبليكيشن وحشني جدا أي نعم أنا خسيت بس فعلا بحب أدخل أقرا البوستات وبفتكر الأيام الجميلة الي كانا السبب فأني خسيت . أتمني التوفيق للجميع
#soooos
(2 Kommentare)
27 Dezember 2020
لية الناس مش بتميل للأكل الصحي أو بتفضل تاكل الأكل الغير صحي ؟ لأن ببساطة الأكل الغير صحي بيشبع وطعمة أقوي وشكلة أحلي لكن للأسف كل دة مجرد وهم فدماغك بسبب الأعلانات والأساليب الدعائية الي بتعملها شركات المطاعم عشان تجر رجل الناس لو فاكر نفسك أكيل ودوقت كل حاجة أحب أقلك أن حساسات التذوق عندك أصلا مش شغالة وكل الي انت بتستطعمة دة مبيوصلكش بالشكل الصحيح لأن العامل المسيطر علي كل الأكل دة الدسم والسكر والملح هم دول التلت حاجات الي بتتميزهم فالأكل لكن طعم الأكل الحقيقي سواء خصار أو فاكهة أو لحوم أنت نسيتة من كتر الحاجات الي بتزودها عليهم عشان تحسن طعمهم لأنك لما تيجي تسأل أي شخص بدين وبيحب الأكل اي أكتر حاجة بتحب تاكلها لازم تطلع حاجة تافهة يقولك شيبسي أو مثلا شيكولاتة معينة فانت تقول عشان كدة هو تخين لأ الحقيقة انة لما بياكل الحاجات دي بتزود فكرة الأستمتاع بالأكل وبتحولة لبق مفتوح عندة أستعداد فالوقت دة ياكل أي حاجة قدامة بدون وعي أو ترتيب ودة الي بيسبب البدانة أما الأكل الصحي الي هو في أعتدال وتوازن بيأدي مهمتة فتشغيل الجسم و تزويدة بالطاقة بدون ما يوصلك للفكرة بتاعت
الأستمتاع بالأكل وتفضيلة علي أي نشاط بتعملة فيومك متتعاملش مع الأكل بمشاعرك أتعامل معاه بعقلك .
(3 Kommentare)
26 Dezember 2020
لية كل الناس الي بيعانوا مالبدانة بيفضلوا الأكل لوحدهم من غير ما حد يشوفهم أكنهم بيسرقوا ؟ أحيانا بيكون السبب هو كسوفهم من الكميات الي بياكلوها أو من شكلهم وهم بياكلوا وخوفهم من نظرات الناس ليهم والتريقة أو حتي لأن ظروفهم حاكمة بكدة وأنهم أتعودوا علي كدة من وقت طويل أنا عن نفسي طول عمري باكل لوحدي مبحبش أكل مع ناس أو أشارك حد فأكلي بس ده عشان من صغري كانو ديما بيعلقوا علي كميات الأكل الي كنت باكلها وكانوا بيمنعوا عني الأكل عشان طبعا كنت تخين من صغري وعمري ما عرفت أسيطر علي نفسي فالحلويات والأكل عمتا ومع ذلك مكنتش بعطل كنت بردة باكل الي انا عايزة من وراهم بعد ما يناموا ودة السبب الحقيقي لمشكلتي فالأكل بليل قبل النوم وسبب مشكلتي مع الأكل بشكل عام .
*ملحوظة
مشكلتك مع الأكل أكيد ليها سبب أصلي قديم محدش يعرفوا غيرك النظام الغذائي مهم والرياضة مهمة لكن الأهم من كل دة أنك تعرف أنك طالما وصلت لمرحلة أنك محتاج تغير نظام أكلك لسبب ما سواء كان مرضي أو عشان وزنك يبقي في مشكلة فطريقة تعاملك مع الأكل لو قدرت توصل لأصل المشكلة هتعرف تحلها .
(3 Kommentare)
25 Dezember 2020
لو كنت فاكر أنك ممكن توصل للنقطة الي تخليك تاكل الي انت عايزة ومتتخنش تبقي غلطان انا عن نفسي وقعت فترة مش قليلة بعد ٧ شهور متواصل أخدت فيهم يومين أو تلاتة فري والموضوع أبتدي لما حسيت أني نجحت وفعلا كنت فرحان بشكلي الجديد وتعليقات الناس وكدة فقررت فيوم اني هاكل حاجة كنت بحبها زمان فكلت والحقيقة أني علي عكس ما توقعت مكنتش مبسوط أوي بالعكس وحسيت علي طول ان بطني بتوجعني وقلت اي العبط دة أنا مش هعمل كدة تاني ولكن الي حصل أني قعدت حوالي شهرين ملغبط ومش بتحرك طبعا لأن الأكل الدسم بيطلب براحة فزيدت حوالي خمسة كيلو
الغريب أني طول الوقت كنت بقول أني أعرف أرجع فأي وقت وكنت بقول كل أنهاردة وبكرة نبقي نبتدي لكن مكنش بيحصل كل يوم كان بيبقي أسوء بس الحمد لله قدرت اكمل اول أسبوع علي خير ورجعت تاني نصيحتي لأي حد الأكل بيلعب فدماغة زيي متفكرش أبعد ماللحظة الي أنت فيها متفضلش تقول بكرة هعمل لو هتعمل حاجة اعملها دلوقتي وأوعي تفتكر أن حبك للأكل ممكن يختفي وتصحي الصبح تلاقي نفسك شخص تاني لأن دة مش هيحصل متحملش نفسك فوق طاقتها وتلوم نفسك علي فترة لغبطت فيها كلنا بنقع ونقوم عادي لكن لازم تفهم انك فحرب مع حاجة أنت بتحبها فالموضوع لازم ياخد شوية وقت .
(3 Kommentare)
Soosss's Gewichtsverlauf
Kompletten Verlauf ansehen