مرحلة الثبات دي كله بيعدي بيها بس بنحاول نغير المعتاد
⬅️ نعمل صيام متقطع لو مبنعملش او لو بنعمل نزود عدد الساعات عن المعتاد
⬅️ نلعب رياضه لو مبنعملش ونزود لو بنعمل او نغير نوع التمارين
⬅️ نلعب على السعرات لو قليله اوي نعليها ونرجع نقللها ولو عاليه نقلل بسيط ونرجع نعليها
⬅️ لو بناخد نشويات نقللها ونعلي بروتين بدالها........ وهكذا
الخلاصه لغبطي جسمك بالتغير علشان يرجع يعرف انه بيعمل دايت ويخس
⬅️ وخلي ليكي مقياس اخر قياسات الجسم دايما ادق من الميزان وان شاء الله تكسري ال٨٠ بالصحه والعافيه
23 Feb 21 vom Mitglied: Om habiba2020
|
انا مانعه نشويات خالص وسكر بستخدم سويتال وبمشي كل يوم الساعه ٧ بدون فطار انا باكد ثيروكس ٥٠ لأن الغده خامله شويه عندي لكن دكتوري قالي لو منعت نشويات وسكر هخس خسيت ٤ كيلو ف عشر ايام وبعد كدا ثابته مش. عارفه اعمل ايه تاني
23 Feb 21 vom Mitglied: mamt hamada
|
مانعه نشويات خالص يعني ماشيه كيتو ولا لو كارب
بتاكلي خضار وفواكه وبقول ممكن تكون سعراتك قليله اكتر من اللازم
23 Feb 21 vom Mitglied: Om habiba2020
|
كيتو وباكل خضار وسلطه بس ساعات باخد برتقال أو يوسفي بس مش كل يوم وبردو مش بقدر استغني عن اللبن وسمعت أن اللبن غلط وبيثبت الوزن
23 Feb 21 vom Mitglied: mamt hamada
|
بس فعلا سعرات مش بتزيد عن ١٠٠٠ سعر هو كدا ايه قليل ولا
23 Feb 21 vom Mitglied: mamt hamada
|
23 Feb 21 vom Mitglied: A M I R
|
والله بلغبط بس مفيش تغيير كنت بصوم١٦بقيت اصوم١٨وغيرت المواعيد ونظام الاكل
23 Feb 21 vom Mitglied: hendmohammed1
|
انا اغلب الوقت بقعد ثابتة شهر وساعات اكتر كمان
عادي مرحلة كلنا بنعدي منها وانا عشان عادة باخد سعرات قليلة فبلغبط كتير في الاكل واعلي السعرات او اغير النظام تغيير النظام كل فترة كويسة لموضوع الثبات
23 Feb 21 vom Mitglied: Mayar Mahmoud saad
|
Mamt hamada سعرات اقل من ١٠٠٠ قليل اوي انا قريبه من وزنك وباخد من ١٤٠٠ :١٦٠٠ سعر وبنزل وزن ومقاسات الحمد لله
متقليش عن ١٣٠٠ ستاندر للنساء عموما علشان تقدري تحصلي الاحتياجات اليوميه من العناصر
⬅️ تقليل السعرات عن اللازم بيسبب ثبات لان الجسم بيتأقلم ويحتفظ بكل سعراتك (المجاعه)
23 Feb 21 vom Mitglied: Om habiba2020
|
كلام اخواتى كله صح بس بعيدا عن كلامهم خالص ... انتى بتقولى ماشيه كيتو وبتاكل احيانا فاكهه ولبن🤔 ده كده مش كيتو لان الحاجات دى مش بتتاخد فى الكيتو عشان السكريات اللى فيها كده تخرجك من الحاله الكيتونيه خالص وتفضلى كذا يوم عشان ترجعى تانى كيتوزسس عشان كده بيحصلك ثبات فترات كبيره لان اللى ماشي على الكيتو صح كل يوم بينزل من ١٠٠-٢٠٠جرام انما اللى بيلخبط فى نسب الكارب بيفضل ثابت فترات كبيره فشوفى نفسك كده ولو انتى مش قادره عليه انقلى على اللوكارب مسموح فيه الفاكهه واللبن تقدرى تنظمى نفسك فيه واهم حاجه اختارى الرجيم اللى يناسب نظام حياتك عشان ماتمليش منه وبالتوفيق ان شاء الله.
23 Feb 21 vom Mitglied: المتألقه دايما
|
23 Feb 21 vom Mitglied: Salsabeel _2003
|
هي ياجماعه مش ماشيه نظام بعينه هي التزمت بانها وقفت نشويات وسكر علشان تساعدها في علاج الغده فتقريبا هي لو كارب المشكله تقليل السعرات وجسمها اتعود على القليل اوي وبطل يحرق خلي بالك التغذية جزء مهم من علاج الغده وتقليل السعرات اوي من الحاجات الي بتأثر سلبي عليها احسبي سعراتك مظبوط واقرأي نظام اللوكارب كويس علشان تعرفي الممنوعات والمسموحات به علشان تلتزمي بطريق محدد وكملي سعراتك بالدهون الصحيه لو لقيتي سعراتك مش مكمله والصيام المتقطع هيساعدك جدا
23 Feb 21 vom Mitglied: Om habiba2020
|
ام حبيبة ،لفن نظري ١٣٠٠ سعر ، كان في اعتقادي النساء عموما حوالى ١٢٠٠ بالكتير. مع اختلاف الوزن اكيد بس دايما يقال ١٢٠٠،و حتى لو لعبت رياضة. مش بازود و ساعات قليلة في حوالي ٢٠٠ سعر. فايه رايك؟
25 Feb 21 vom Mitglied: batates777
|
مساء الخير اخواتي ازي اقدر احسب السعرات الي بيحتاجهاالجسم اناوزني ٦٨ المفروض السعرات لوزني ١٦٠٠ احسبها ازي ليومي لو قللت في السعرات مينفعش تكون تحت ١٢٠٠ سعر ارجو الرد
25 Feb 21 vom Mitglied: Bosy Azet
|
batates هو المفروض متوسط السعرات للنساء متوسطي الطول والوزن والعمر والنشاط ٢٠٠٠ سعر ولو محتاجه فقد الوزن ١٥٠٠ سعر لفقد نصف كيلو اسبوعيا هي متوسطات كلها لمجموعات بتكون الابحاث دارساها بس كل حاله فرديه حسب بياناتها الخاصه بتختلف احتياجاتنا
١٣٠٠ علشان نقدر نحصل الاحتياجات من العناصر اللازمه للجسم لاما هتبعي مع طبيب يكملك احتياجاتك فايتامينات بس من الاكل الطبيعي افضل بكتير
25 Feb 21 vom Mitglied: Om habiba2020
|
Bosy Azet سعراتك بيحسبهالك البرنامج على حسب نشاطك ووزنك وطولك ال١٦٠٠سعر ده بعد ماخصم منهم ٥٠٠سعر تقريبا وده استهلاكك اليومى من السعرات عشان تنزلى فى الوزن عاوزة تقسميهم على وجبتين ماشي على تلاته براحتك او اتنين وبينهم سناكس بردو براحتك انتى بس ماتحوليش تخرجى عن ١٦٠٠سعر بتوعك اليوميه الا فى الفرى بتاعك بس ولو عاوزه تقللى فى سعراتك براحتك بس مش دايما عشان جسمك مايخدش على كده ويثبت .
26 Feb 21 vom Mitglied: المتألقه دايما
|
امشي ٣ ايام رجيم نباتى فقط
26 Feb 21 vom Mitglied: Doaa.Sabry
|
26 Feb 21 vom Mitglied: mohammed brawy
|