raghda sarhan's Notizen, 01 Sep 24

استعيني بالله و حاولي تتخطي كدا احنا كلنا هنموت في الاخر و هنتقابل في الاخره متخليش وفاه حد تاثر علي حياتك اكيد هو لو عايش مكنش هيبقي عايزك تبقي كدا و كان هيبقي عايز يتمنظر بيكي قدام الناس اعتبريه عايش و كملي  

البقاء لله وحده يارغده هو في مكان افضل من الدنيا وما فيها بإذن الله استعيني بالصبر والصلاه والدعاء هو اكتر شيء محتاجه الدعاء ياقلبي وان شاء الله تدريجيا تبقي افضل وربنا يصلحلك الحال  

الحمد لله على كل شيء بس فراقه صعب اوي كان كل حاجه ليه وأغلب انسان والله اغلي من نفسي بس الحمد لله اكيد هو في مكان احسن بس الفراق صعب بقالي 3شهور حاسه كل حاجه ناقصه مش عارفه استطعتم حاجه ولا أفرح بحاجه بس بقولي يمكن مع الايام نفسيتي تهدي اكيد مش همسي بس يمكن اتعود واتاقلم  

ربنا يصبر قلبك ياحببتي حاسه بيكي احساس فقدان الاب الي كان صاحبي وحبيبي مر عليه 15 سنه بالنسبه لي وقلبي لسه بينغص وانا بفتكره في كل شيء رحمة الله على ابي وابيكي واباء و امهات المسلمين اجمعين 

والله الراده زيرو بس هحاول طبعا كان مبسوط اوي وفرحان اني حسيت اصلا وكان بيشجعني هحاول ابدا والله المستعان 

ربنا يصبرك ويقويكي اكيد فراق الاب صعب جدا جدا بس حاولي تنزلي جيم هيغير من العادة دي بنسبة كبيرة جدا اتجمعي مع اصحابك حاولي ماتقعديش اغلب الوقت لوحدك وبإذن الله هتتخطي موضوع الاكل دة ..ابدأي من دلوقتي بس تغيري طبيعة الاكل مش اكتر من كدة ومع الوقت والجيم هتعرفي تلتزمي بإذن الله😇💜 

عملتي زيي لما والدي إتوفا 😔 زعلت عليه أوي وبقيت باكل الاخضر واليابس زي الي بتنتحر بالبطيء لحد ماوزني زاد جدا جدا وجالي اضغط كان بيوصل لـ 190 على 100 وكان بيحصللي نزيف من مناخيري على طول بسسبب الضغط والكروسترول علي وحصلي مشاكل في القلب ، وماما كانت تعيط وتقولي هو انت عايزة تموتي نفسك وتموتيني عليك وفي مرة بابا جالي زعلان في المنام وبيبصلي من غير مايتكلم وعيونه كلها دموع وانا اقوله مالك يابابا مايردش ويبص في ساعته ويبص حواليه كإنه بيدور على حد ، وبعدين بلمح نفسي جاية على بابا من بعيد وانا رفيعة زي ما كنت وانا بنت وزي ما اتوفى ،لقيته ابتسم وفرح وراح عليا جري ضمني المهم صحيت من الحلم دا وانا بقول ان بابا زعلان من الي انا وصلتله ومش عاجبه حالي والكآبة الي كنت فيها ، فقررت اتغير وافوق وارجع تاني زي بابا الله يرحمه ماكان يحب يشوفني والحمد لله خسيت حبة حلوين خالص انا كنت وصلت لـ124 كيلو وخسيت وتخنت وخسيت وتخنت لحد ما وصلت ل81,600 كيلو أهو ومستمرة ان شاء الله ، ودا ماجاش في يوم وليلة الكلام دا بقاله 16 سنة لكن لما اخدت قرار الخسسان كان من 4 سنين تقريباً ربنا يصبرك ويقويك وافتكري دايما والدك بيحب يشوفك ازاي حققيه لانه اكيد حاسس بيك  

البقاء لله وحده ربنا يصبرك ويربط على قلبك حبيبتى استعينى بالله .. دا حال الدنيا كلنا أرواحنا أمانات لربنا وماشية على الأرض ووقت ما ربنا بيسترد أمانته اللهم لا اعتراض انتى بقي امسكي نفسك واثبتي .. انتى عايشة بسيرته الطيبة و تربيته ليكى عمرك ما هتنسيه انتى صدقته الجارية وعمله الصالح على الأرض ادعيله و اذكريه بالخير كملى مسيرته اهتمي بنفسك وبالبلدي كدا اصلبي طولك سيطري على امورك ومتضعفيش الموت على اااد ما بيبدأ كبير بس الايام بتهون ادي نفسك فرصة تحزني عليه ودا حقك بس كملى حياتك ولو على الرجيم ونزول الوزن كلنا معاكي وهنشجعك وبإذن الله تنزلى الوزن الزائد دا كله وأهم حاجة سلمي امورك لقضاء الله وقدره هو لطيف بينا اكتر من ابونا وامنا وربنا يصبرك ويربط على قلبك يا حبيبتى ❤️  

بالنسبة بقي لنزول الوزن نبدأ واحدة واحدة مش هبد مرة واحدة نمنع اكل افهمى الاول أن طبيعة الشره ف الاكل اللى عندك دا انفعالي تفريغ لطاقة الحزن والفراغ اللى والدك سابه ف حياتك فأول م تحسي انك عايزة تاكلى اشربي ماية واستني خمس دقائق اشغلى نفسك فيهم باى حاجة هواية بتحبيها كتاب بتحبي تقريه قومي اعملى الاكل نفسه .. اطبخي .. والله وقفة المطبخ وريحة الاكل هتحسسك بالشبع اصلا العبي رياضة 💪 يعنى غرضي اقولك اشغلىةوقتك بأى حاجة بعيد عن الأكل ميبقاش اول اختياراتك ومع شوية تظبيط الدنيا هتبقي تمام بإذن الله وبعدين يا ست البنات ادخلى كل يوم هذا التطبيق خدي منه شوية طاقة إيجابية من الناس الحلوين اللى فيه هيقوكي على الايام وعن تجربة وبإذن الله ربنا يوفقك يا قمراية انتي 😘🫰❤️ 

ياحبيبتي الله يرحمه ويغفر له ويسكنه الفردوس الأعلى ويصبر قلبك يارب  

ربنا يرحمه ويغفر له ويسكنه فسيح جناته