صباح الخير عليكم 🌷🌷معلش هرغي معاكم شويه النهارده 😅😅يارب مكنش ثقيله عليكم 😁😁
الكيتوجينك دايت اسم بيرن اول متسمعو تنتبه اصل عارفه فلان خس جامد عليه انا عاوزه اعمله 😅😅😅 ويرن عند ناس تانيه ايه ده دا نظام مش صحي ابدا واول ما تسيبو هتزيد الضعف 😁😁😁 ايوه عارفه الاولاني استنى رايح فين انت عارف فلان ده مكنش ماشي كيتو علشان يخس اصلا دا داخل فيه يعالج امراض زي السكر والضغط ومش اي حد ينفع يمشي عليه 🤨🤨لا ياشيخ ازاي يعني 🤫🤫🤫تعالو اقولكم
اولا هو مش نظام جديد دا قديم جدا بيستخدم في حالته الاصليه وهي اعتماد ٩٠ ٪دهون ٦٪بروتين وتقريبا صفر ل٤٪ كاربوهيدرات لعلاج الصرع والامراض العصبيه منذ القدم لكن العلماء لقو اثار اخرى واضحه اثناء العلاج 🙄🙄ايوه ابهريني 😅😅😅حاضر فقدان سريع للوزن تحسن في البشره والجلد شفاء الالتهابات والجروح بسرعه....... بجد 🤓🤓 اه بس خلي بالك
ايه تاني 🤔🤔 مرضى الكلى لاء او اي عله بها خطر ✖️✖️ استشاره متخصص مشاكل بالكبد استنى ياحج ✖️✖️ استشاره متخصص اطفال لاء. وسن صغير ✖️✖️ ما عدا الحالات العلاجيه مرضى القلب ✖️✖️استشاره متخصص مريض السكر النوع الاول✖️✖️ من يأخذون جرعات انسولين للعلاج استشاره وتنسيق حامل او مرضع اول سنه ✖️✖️استشاره متخصصه لان متعملش عليهم ابحاث كافيه
طيب مين يمشي عليه🤔🤔
١_ مريض سكر النوع الثاني ٢_المصابون بالسمنه منذ الطفوله ولم تفلح معهم الطرق العاديه ٣_ الاوزان الضخمه ولم تفلح معهم النظم العاديه ٤_ المصابين بمقاومه الانسولين (اقراء عنه في النت خطير جدا) ٥_متلازمه الايض وتكيسات المبيض ٦_يقلل دهون الكبد ٧_تحسين المزاج والتفكير والحفظ ٨_تقليل دهون البطن عموما عن تجربه (اكبر محيط خسرت منه في قياسات الجسم ٣٦ سم خساره من محيط البطن و٢٢ سم من محيط الخصر 😌😌تخيلي اكبر من الوزن الي خسرته بكتير الحمد لله )
٩_حالات خاصه ممكن متخصص يوصي بها
تطور الكيتو من حالاته الاصليه وانواعه
طيب هو ينفع نمشي النسب دي⬆️⬆️⬆️ لا معلش🙄 تعالى هنا دي نسب للعلاج مش للدايت اوك متفقين طيب ايه الجديد 🤔🤔:
النسب المعتدله للكيتو المعتدل الي يخلي الجسم يتعالج بهدوء وسلام وينزل بهدوء من دهون الجسم الفعليه :
دهون. ٧٠ :٧٥٪ بروتين. ٢٠:٢٥٪ كاربوهيدرات ٥:١٠٪ بحيث تكون من ٢٠ ل٥٠ جم مصدرها الخضار والبذور والجبن
🤨🤨ياستي بيقولك البذور والجبن ممنوعه في الكيتو 🤫🤫لا ياسيدي بالعكس دي مطلوبه باعتدال امال هتاخد كالسيوم وعناصر مفيده من ايه 😒 😒😒 بس براحتك ياعم دي كلها اراء. وانت حر في اختيارك روح اشتري مكملات وبراشيم بالهبل بدل ما تاخد من مصادر طبيعيه 😒😒
ادخلو الكيتو باعتدال وانزلو ببطء نزول حقيقي افضل من النزول السريع الي بيخرب في الجسم 😉😉معلش الي زدته في سنين مش هننزله في شهرين الاعتدال والوسطيه والصبر اجمل واجمل 💗💗💗 المره الجايه هتكلم على التاني الي مش مقتنع انه نظام صحي اصلا 😉😉 كلامي يمثل نظرتي من خلال الي قرائته وشوفته وجربته تقبلو تحياتي.
|
1547 kcal
|
Fett: 123,54g | Eiw: 83,59g | Kohlh: 29,53g.
Frühstück: زيت الزيتون, الطماطم, الفلفل الأخضر, Domty domty veta, بيضة مسلوقة, Almarai Cooking Cream, توست الطحينه, جرجير اخضر - Arugula Arugula - جرجير اخضر. Mittagessen: جبنة موتزاريلا بحليب كامل الدسم, الزيتون الأخضر, بسطرمة لحم البقر (المقدد), قاعده بيتزا. Snacks/Sonstiges: شوكلت بالكريمه ١٠ جم الحصه, زبدة غير مملحة, Almarai Cooking Cream. mehr...
|
|
Kommentare
النظام الوحيد اللي مستحيل اعمله هو الكيتو ،كارب اي اللي امنعه دا انا بعشق الكارب وبدوب ف الفواكهه وبتلذذ من الحلويات 🤤 مع العلم انا بتبع نظام غذائي (المرونة) ونزلت ماشاء الله تبارك الله 40ك وحاليا مثالي لكن بلعب ف شكل جمسي حتي الوصول للرضاا
18 Jul 20 vom Mitglied: mstkhdmjwjl4
|
مشاء الله عاااش بجد.
كنتي ماشيه على الصيام المتقطع ؟
طيب في اي برشام؟
الرياضه؟
طيب بتشربي مشروبات حارقه للدهون ولا ايه؟
18 Jul 20 vom Mitglied: ýyqawet
|
هو مفيش اصلا مشروبات حارقة ولا الكلام الفاضي دا المشروب الوحيد اللي فعلا بيعلي الحرق هو المية تاني حاجة البرشام مش بيحرف الدهون البرشام بيحرق فلوس يعني ولا ليه اي لازمة اهم حاجة نظام غذائي مرن ورياضة وصبر وصبر وصبر لان النزول الصحي اللي مش مضر لو نزلتي فبه نص كيلو حلو جدا انا بالنسبالي تفكيري اتغير ولو خسيت كيلو بس ف الشهر حلو جدا ، منا خسيت الكيلو دا وانا باكل كل حاجة ف الدنيا جميع اكل علي وجه الارضي صحي وغير صحي انا باكله لكن بكمياااات معتدلة ودي اهم حاجة ،بالنسبة للصيام المتقطع انا كنت بصوم فترة طوبلة 16س لكن عرفت ان اكتر من 14ساعة بيلعب ف الهرمرونات وفعلا الدورة عندي بااظت ،حاليا انا نظام مرن ورياضة
18 Jul 20 vom Mitglied: mstkhdmjwjl4
|
اه وف حاجة عايرزة اقولها انا مفيش نوع دايت مجربتوش كميائي وغيره وتمر ولبن ونظام سالي السحري وفعلا كنت بخس لكن صحتي بقت تحت الصفر والحرق عندي بقي بردو تحت الصفر لحد ماعدلت نظامي واحدة واحدة والحمد الله اول مرة اعمل تحاليل والاقي الدنيا عندي اتظبطت كدة وبردو وانا باكل والله كل بوم شكولاتة وبسكوت وعيش ورز ومكرونة وفينو وكله
18 Jul 20 vom Mitglied: mstkhdmjwjl4
|
يا جماعة بتكتبوا وجباتكم فين عشان تحسبوا النسب مش عارفة اتعامل
18 Jul 20 vom Mitglied: Ebtesam Mohamed
|
Mstkhdmjwjl4
بصي ياقمر ربنا يمتعك بالصحه والعافيه 💐 💐 في ناس الكاربوهيدرات متعملش مشكله معاهم 💐💐لكن المشكله مع الناس الي زي ان فتفوته العيش بتعلي السكر وانا قلت ان الكيتو نظام مش برافهية انو دايت عادي ولكنه علاجي لبعض الامراض وثانويا التخلص من زياده الوزن وانا كنت مدمنه معجنات وحلويات 😅😅 بردو بقيت مدمنه وصفات كيتونيه مبحرمش نفسي من حاجه وبلاقي بدائل بفضل الله 👍 👍
⬅️ كل واحد له طبيعه وخصائص خاصه به ممكن اشخاص نفس الاكل واحد يزيد وزن والتاني طول والثالث ثبات كل واحد جرب كتير زينا وشاف ايه الي مشي مع طبيعه جسمه وبالتوفيق ياقمر 🌹 🌹
18 Jul 20 vom Mitglied: Om habiba2020
|
Yyqawet مفيش مشاريب او برشام خارق بيخسس لكن ممكن حاجات تساعد في زياده مضادات الاكسده وبالتالي تحسن الميتابوليزم (الحرق) واهم منهم الماء الكافي للجسم والباقي عوامل مساعده
الصيام المتقطع لا غنى عنه مع الكيتو دايت ومتوسط ١٤_١٦ ساعه للنساء حتى سن الا٤٠ عام وممكن اكثر لمن فوق الاربعين
بالنسبه للرياضه انا فعليا لسه مشي فقط لان في مشاكل بسبب زياده الوزن السابق فبتدرج فيها بهدوء
وبالتوفيق للجميع 🌹🌹
18 Jul 20 vom Mitglied: Om habiba2020
|
Ebtesam mohamed
البرنامج سهل وبسيط ان شاء الله
اول حاجه هتعملوها تحسبو RDI ودي كميه السعرات الي محتجاها في اليوم موجوده في الاعدادات بتدخلي بيناتك وتختار هدفك ونشاطك بيحسبللك سعراتك مثلا ١٨٠٠ سعر
ثانيا : هنقسم سعراتنا حسب نظامنا
بعمل اي~ بدخل التقارير بدوس علامه 🎯 الاهداف بيظهر عندي مغذيات كبرى
كاربوهيدرات
بروتين.
دهون.
بتحددي النسب حسب نظامك الي انتي وضعاه لنفسك او الطبيب كتبهولك
طيب بس كده🙄🙄 لا😏 في مغذيات اخرى مثال
⬅️الالياف دي للكل نساء ٢٥ جم رجال ٣٥جم
⬅️سكريات حسب نظامك
⬅️صوديوم. استندر ميزدش عن ١٥٠٠
⬅️ والبوتاسيوم بردو استندر نحاول نحصل على ٢٦٠٠
وبعدين اليوميات😌 هتدوري على نوع الاكل بالعربي او بالانجليزي وتحددي كميات هيعطيكي القيم مثلا :
حليب اختاري ماركته ولا بلدي كامل الدسم ونصف ولا خالي وهكذا
تكتبي بيض هيديكي بيض مسلوق ولا مقلي ولا بيضه كامله. ولا صفار ولا بياض 😂😂😂 حوسه افضل شيء احسبي الحاله الواضحه يعني انا هاكل ٢ مسلوقه واقشرهم واوزنهم واكتب الوزن ولو مفيش ميزان 🤔🤔 هحسب بعدد البيض وحجمه. وهكذا....
طيب هاخد معاها جبنه هحسبها.... . طيب زيت اختار نوعه وكميته بالجم او الملعقه وهكذا......
⬅️ ⬅️⬅️ملحوظه هامه :
ممكن نضيف للبرنامج منتجات انتي بتدخليها بنفسك من المعلومات الي على المنتج
وممكن نضيف وصفات كامله خاصه بنا ونقسمها ونثبتها
وممكن تكوني وجبات وتثبتيها خاصه بكي لتسهيل استخدمها عده مرات
يارب اكون وضحت شويه وبالتوفيق ان شاء الله 💐 💐
18 Jul 20 vom Mitglied: Om habiba2020
|
18 Jul 20 vom Mitglied: malakmohamed2000
|
19 Jul 20 vom Mitglied: Om habiba2020
|
20 Jul 20 vom Mitglied: لماميسو
|
اللهم آمين يارب العالمين واياكم 🌹 🌹 🌹 🌹
22 Jul 20 vom Mitglied: Om habiba2020
|
|
|
|
|
Einen Kommentar abgeben
Sie müssen sich anmelden, um einen Kommentar abgeben zukönnen. Klicken sie hier, um sich anzumelden.
|
|
|
Om habiba2020's Gewichtsverlauf
|