عادي جسمك هيتأقلم عليهم تاني .
26 Jun 24 vom Mitglied: CAP.MOSTAFA
|
دي حقيقه بعد الكيتو بيكون في حساسيه من بعض النوعيات لكن التدرج فيها بكميات بسيطه بيحسن استجابة الجسم ليها وبتاخد وقت طويل فالافضل تظل كميات بسيطة كل فتره لان غالبا بتكون اصلا كانت موجوده قبل الكيتو بس من كتر الاكل واللغبطه الجسم كان متأقلم انما لما حسنت حساسية الانسولين في الكيتو اتحسنت معاه احساس الجسم بالمدخلات
26 Jun 24 vom Mitglied: Om habiba2020
|
هو الفكرة ان اخر مرة كيتو كان من ٤ سنين .. لكن لو فتحت حاليا شوية في منتجات الالبان او المخبوزات بتكون ردت فعلها شديدة لدرجة الاتجاه للمنع تقريبا لحاجات كتير
26 Jun 24 vom Mitglied: ibrahimhager
|
لا ياهيما تبدأ بالبقول والبخضار والفاكهه الاول . مش من اولها معجنات والبان
26 Jun 24 vom Mitglied: CAP.MOSTAFA
|
ايوة فاهمك يا درش
انا قصدي اني بالفعل انتقلت من الكيتو للأكل الطبيعي علي مدار ٤ سنين بالتدريج الكافي لكن بدون نتيجة
و اعتقد يا ام حبيبة ان الكيتو تسبب بظهور حساسيات غير موجودة بالمرة قبل كده و استمرارها
يعني انا مثلا طول عمري باكل فول و عيش عادي جدا
كنت بشرب لبن بكميات مع الكورن فليكس زمان بدون اي مشاكل
حاليا بعد الكيتو
الفول و الحمص و العدس معدتش اقدر اقربلهم
منتجتت الالبان كلها تقريبا زي اللبن اي كمية فوق ٥٠ ميللي الزبادي اايوناني الواي بروتين و الجبنة القريش لهم رد فعل سيء معايا
العيش بالردة او زيادة شوية في المخبوزات في ايام الفري نفس الحكاية
انا اقصد ان حتي بعد مرور ٤ سنين من التوقف عن الكيتو و ظهور الحساسيات دي مفيش اي تحسن فيها
عشان كده بشوف اذا حد جاله حاجة زي كده من الكيتو بعد الانتظام عليه مدة
26 Jun 24 vom Mitglied: ibrahimhager
|
خلاص لو تاعبان ارجع للكيتو
وريح بطنك ودماغك
26 Jun 24 vom Mitglied: CAP.MOSTAFA
|
حساسية الجلوتين واللاكتوز موجوده عند نسبة كبيره بدون كيتو
هيا قابليه الجسم ليها
بس حاول لو هيا عندك حاليا تكشف وتاخد بالك من اكلك عشان متتعبش ومتفكرش في اللي فات
انت حاليا عندك حساسيه من اللاكتور يبقه تاخد بالك من اكلك وتتابع مع طبيب متخصص
27 Jun 24 vom Mitglied: Eng.'Mohamed'
|
انا مشيت 7 شهور فقط كيتو واخدت سنتين علشان اقدر ادخل اطعمه لو كارب زي البقول والالبان والفاكهه عموما تفسير الامر بسيط لما بتمنع اكل معين اثناء الكيتو وانت قعدت سنتين ودي فتره طويله خلالها اتحسنت عنك حاجات كتيره منها اداء الجهاز المناعي وبالتالي لما بدئت تدخل اكل عادي تاني وخصوصا لما بتاخد كميات واضحه للجسم زي مبتقول اكتر من 50جم حليب مثلا الجهاز المناعي بقي يتعامل مع اللكتوز كماده غريبه ويعمل رد فعل تحسسي وكذالك باقي الاصناف بمعني اصح انت عملت فورمات لجهازك المناعي خلال الكيتو لوالموضوع اوفر وغير متحمل عندك اكشف عند طبيب وهيديك علاج مناسب بإذن الله
27 Jun 24 vom Mitglied: Om habiba2020
|
هو فعلا الواحد بيتعامل حاليا انه عنده الحساسيات دي خلاص ..
و اول بأول بقيت الغي اطعمة بالكامل لما بيتكرر اعراضها ..
المشكلة في اليوم او الاتنين الفري و الاعياد و كده لما الواحد بيخرج عن شعوره بقي دي اللي لسه مش عارف اسيطر عليها الحقيقة ..
و اقول خلاص مش راجع و بأرجع عادي جدا 🙂
27 Jun 24 vom Mitglied: ibrahimhager
|
ياباشا اعمل اللي قولتلك عليه وكبر دماغك بقي
28 Jun 24 vom Mitglied: CAP.MOSTAFA
|
لا كيتو تاني خلاص توبة 🙂 .. مرتاح اكتر في حساب السعرات
و الحساسيات نتعامل معاها مفيش مشاكل ان شاء الله
لا تقلق 👌
28 Jun 24 vom Mitglied: ibrahimhager
|